Search This Blog

အဖွဲ့ဝင်မယ်..Followers

သတင်း


<<<< ကြိုဆိုပါတယ် ပျော်ရွှင်သောနေ့လေးဖြစ်ပါစေ >>>>

Saturday 17 March 2012

ကျေးဇူးတော်ရှင် ဆရာတော်ကြီး အရှင်ဇနကဘိဝံသ၏ သီလနှင့်ဆက်နွယ်သော သြ၀ါဒများ

၁။ အချင်းချင်း မေတ္တာနဲ့နေကြ၊ ၀ိုင်းဝန်းကူညီကြပါ။ ငါးပါးသီလ လုံခြုံအောင် နေကြပါ။ ဘုရားရှိခိုးကြတာလဲ သြကာသ သြကာသနဲ့တင် မပြီးကြနဲ့။ တကယ့်ဗုဒ္ဓအစစ်၊ ဘုရားအစစ်ကို မှန်းပြီး အာရုံပြုကြပါ။ ဘုရားဂုဏ်တော်တွေကို အာရုံပြုကြပါ။ ကမ္ဘာသူ ကမ္ဘာသားဝေနေယျ သတ္တ၀ါတွေကို ကိုယ်စိတ်နှစ်ဖြာ ကျန်းမာ၊ ချမ်းသာကြပါစေလို့ အမြဲ မေတ္တာနဲ့ သစ္စာရှိရှိ နေကြပါ။

၂။ တရားသာ အားထုတ်ကြတယ်။ သီလတောင် မရှိကြဘူး။ သီလမရှိတော့ တရားအားထုတ်တာ မသန့်ရှင်းဘူး။ တရားအားထုတ်တဲ့ ပုဂ္ဂိုလ်တွေဟာ ရှေးဦးစွာ သီလရှိရမယ်။ ဒါမှ တရားအားထုတ်တဲ့အခါ မိမိရဲ့ စိတ်သန့်ရှင်းတယ်။ ဒါမှ တရားမှန်တယ်။ ဒီလိုမှ ရှေးဦးစွာ သီလ မရှိရင် တရားအားထုတ်တော့ မသန့်ရှင်းဘူး။ နည်းလမ်းမကျဘူး။

၃။ သီလရှိသူဟာ သူကိုယ်တိုင်က စင်ကြယ်နေလို့ စိတ်တောင့်တတိုင်း ပြီးစီးနိုင်ပါတယ်။ ဒါကြောင့် ပစ္စည်းလေးပါး ပေါများလိုရင်၊ ချစ်ခင်လေးစား ကျော်ကြားလိုရင် သီလကိုသာ မကျိုးမပေါက်အောင် စောင့်ထိန်းကြပါ။

၎။ သီလစောင့်ထိန်းရတဲ့ ကျေးဇူးတွေဟာ ပြောပြလို့ မကုန်နိုင်ပါ။ နောက်ဆုံး နိဗ္ဗာန်ထိအောင် တင်ပို့နိုင်ပါတယ်။ မြေသြဇာကောင်းမွန်တဲ့ လယ်ယာ ခြံမြေမှာ ဘယ်လို အသီးနှံမဆို ဖြစ်ထွန်းနိုင်သလို ကန့်သတ်လို့ မရဘူး။

၅။ အေးမြကြည်လင် သန့်ရှင်းစင်ကြယ်တဲ့ စိတ်နှလုံးကောင်းနဲ့ ပြောဆို၊ လုပ်ကိုင်နေသူရဲ့ နောက်မှာ ချမ်းသာအမျိုးမျိုးဟာ အရိပ်ပမာ လိုက်နေကြပါတယ်။

၆။ တဖြည်းဖြည်းနဲ့ နောက်တစ်ဘ၀ ရွှေ့ကြဖို့ နီးနီးလာပြီ။ နောက်တစ်ဘ၀အတွက် ဒါနထက် သီလက ဘ၀ကောင်း ပို့နိုင်တယ်။ ဒါန မများသော်လည်း သီလက များနေရင် နောက်ဘ၀မှာမဆင်းရဲနိုင်ပါ။ သီလကို အထူးဂရုစိုက်ပါ။ ငါးပါးသီလထက် အာဇီဝဋ္ဌမက သီလက သာတယ်။ ထိုသီလကို သူတော်ကောင်းတိုင်း နေ့စဉ် ထိန်းရတယ်။

၇။ သီလလည်း ဒီဘ၀၊ နောက်ဘ၀ ကာလမရွေး စိတ်ချမ်းသာ ကိုယ်ချမ်းသာကို ပေးနိုင်တယ်။ မေတ္တာ၊ ကရုဏာ၊ သစ္စာ၊ ခန္တီတို့လည်း ကောင်းကျိုးကို ပေးနိုင်တယ်၊ အရာရာ သတိထားပါ။

၈။ သီလပျက်နေကြလို့ လူအများ ယခုဘ၀မှာပင် ဒုက္ခများနေကြတယ်။ နောက်ဘ၀ လူဆင်းရဲဘ၀ဖြစ်ပြီး သာ၍ ဒုက္ခရောက်ကြလိမ့်မယ်။

၉။ သီလစောင့်တိုင်း ဘုရားအာရုံရောက်အောင် ရှိခိုးပါ။ ဗုဒ္ဓါနုဿတိဘာဝနာ ဖြစ်ပါတယ်။

၁၀။ မေတ္တာတရား များများပို့ပါ။ မေတ္တာဘာဝနာဖြစ်ပါသည်။ သီလရှိမှ ဒါနအကျိုးပေးကောင်းပါသည်။ သီလရှိမှ ဘာဝနာတက်လို့ရသည်။ ရက်တော်တော်ကြာအောင် သီလများများ ထိန်းပါ။ အမြဲတော့ ငါးပါးသီလ လုံပါစေ။

၁၁။ သီလမကောင်းဘဲ ဘာဝနာတက်ဖို့ မဖြစ်နိုင်ဘူး။ သီလမကောင်းရင် ဒါနတောင် မသန့်ရှင်းဘူး။ သူများအထင်မသေးအောင် ဂုဏ်ရှိအောင်ပြုတဲ့ ဒါနဟာ အလွန်ညံ့တဲ့ဒါန ဖြစ်ပါတယ်။

၁၂။ ကံကောင်းဆိုတဲ့အထဲမှာ အခြေခံအကောင်းဆုံး ကံဟာ ငါးပါးသီလဖြစ်တယ်။ ထို့နောက် စီးပွားရှာတဲ့ အခါမှာ မတရား မပါမှ သမ္မာအာဇီဝဋ္ဌမက သီလဖြစ်တယ်။ ဒါထက် ပိုပြီးတတ်နိုင်ရင် ဥပုသ်သီလဖြစ်တယ်။

၁၃။ ကိုယ်က သီလမပေါက်မကြားထိန်းမှ တပည့်တွေကို သြ၀ါဒ ပေးနိုင်တယ်။ ဆရာက ပရမ်းပတာနေရင် တပည့်တွေကို ဆုံးမလို့မရဘူး။

၁၄။ ဒါနပြုတဲ့အခါ သီလလည်း စင်ကြယ်အောင် ရုပ်ခန္ဓာ၊ နာမ်ခန္ဓာကိုစိုက်ပြီး “အနိစ္စ၊ ဒုက္ခ၊ အနတ္တ”လို့ ရူတဲ့ ဘာဝနာလည်း ဖြစ်အောင် ကြိုးစားတယ်။ သီလစောင့်တဲ့ အခါလည်း ဒါနပါအောင် ဘာဝနာပါအောင် သတိထားတယ်။ ဒီလို အလိမ္မာများမှတော့ ကုသိုလ်ကြောင့် ကုသိုလ်တွေ အများကြီးထပ်၍ ဖြစ်ခွင့်ရတယ်။ နိဗ္ဗာန်အထိ ခရီးရှည်လှတယ်။ ပေါ့ပေါ့ဆဆနဲ့ သွားသွားနေတဲ့လူတွေ လမ်းဆုံး မရောက်နိုင်ပါ။

၁၅။ လူတွေဟာ သာသနာရဲ့ အနှစ် သီလ၊ သမာဓိ၊ ပညာကို မကြည်ညိုတတ်ကြဘဲ ကျောင်းကောင်း၊ ကန်ကောင်းကို ကြည်ညိုတတ်ကြတယ်။

၁၆။ ဓမ္မကတိကတွေကလည်း ဒါန၊ သီလ၊ ဘာဝနာ တရားအကျိုးတွေ ဟောပါရဲ့။ လူတွေကလည်း နာကြပါရဲ့။ အကျင့်အလုပ်မပါဘဲ နာနေရုံဖြင့် အကျိုးမရှိပါဘူး။

၁၇။ လောကကြီးမှာ ဒါနရှိမှ လူချစ်လူခင်ကြတယ်။ သီလရှိမှ ကြည်ညိုကြတယ်။ ပညာတတ်မှ လေးစားကြတယ်။

၁၈။ သိပ္ပံပညာ တိုးတက်လို့ အစားကောင်းတွေစားရ၊ အ၀တ်ကောင်းတွေဝတ်ရ၊ အနေကောင်းတွေနေရ၊ ဒါပေမယ့် အကျင့်စာရိတ္တဘက်က တိုးတက်မူ မရှိသောကြောင့် စိတ်ချမ်းသာမူတော့ ရကြလိမ့်မယ် မထင်ပါ။ ဗုဒ္ဓတရားတော်ကို သိမှသာ စိတ်ချမ်းသာမူ ရနိုင်လိမ့်မယ်လို့ ယုံကြည်ပါတယ်။

၁၉။ ဒါနနဲ့ သီလမှာ ဒါနဟာ ပိုက်ဆံမကုန်ဘူးလား။ ကုန်တယ်။ သီလကော ကုန်ရဲ့လား၊ မကုန်ဘူး။ အကျိုးရတော့ ဘယ်ဟာက ကြီးသလဲ၊ သီလက ကြီးတယ်။

၂၀။ ကိုယ်ရေး ကိုယ်တာအတွက် ကျင့်လမ်းသည် ကောင်း၏၊ သာသနာအတွက် ပရိယတ်သာ ဆက်တည်နိုင်၏။

၂၁။ လောကမှာ နာမည်ကြီး ဥစ္စာပေါတယ်ဆိုတာ အလကား၊ သေတော့ ကိုယ့်ရဲ့ သီလ၊ သမာဓိ၊ ပညာကိုပဲ အားကိုးကြရပါမယ်။

No comments:

နောက်ဆုံးတင်ပြီသမျှ..ဆက်ဖတ်ရန်...အောက်သို့